November 7, 2019

kabhi bulao, kabhi mere ghar bhi aaya karo yahi hai rasm-e-mohabbat, ise nibhaya karo tumhaare jism ke ashaar mujh ko bhate hain meri wafa ki ghazal tum bhi gungunaya karo tumhaare wasl ki raaton ki lazzaton ki qasam mujhe judai ke manzar na ab dikhaya karo qarib aao, in aankhon ki justuju dekho hayat ban…

November 7, 2019

muskuraunga gungunaunga main tera hausla baDhaunga ruThne ki ada nirali hai jab tu ruThega, main manaunga qurbaton ke charagh gul kar ke faslon ke diye jalaunga jugnuon sa libas pahnunga teri aankhon mein jhilmilaunga mehrban hoga jab wo jaan-e-‘kanwal’ us ki gustaKHiyan ginaunga

November 7, 2019

lo shurua nafrat hui KHairiyat ruKHsat hui band darwaze hue barhana wahshat hui ek lamhe ki KHata sadiyon ki shamat hui zehn ki diwar par muflisi ki chhat hui itr ke bazar mein phulon ki shohrat hui tum nasibon se mile zindagi jannat hui chalna traffic jam mein ab ‘kanwal’ aadat hui

November 7, 2019

ek nasha sa zehn par chhane laga aap ka chehra mujhe bhane laga chandni bistar pe itrane lagi chand banhon mein nazar aane laga ruh par madhoshiyan chhane lagin jism ghazlen wasl ki gane laga tum karam-farma hue sad-shukriya KHwab mera mujh ko yaad aane laga rafta rafta yasmin khilne lagi mausam-e-gul ishq farmane laga…

November 7, 2019

zindagi in dinon udas kahan tujh se milne ki dil mein aas kahan mausamon mein gulon ki bas kahan muflisi meri KHush-libas kahan lawn se phul patiyan ojhal teri yaadon ki narm ghas kahan ratjaga phul tare chand hua nind bistar ke aas-pas kahan

November 7, 2019

apnon ke darmiyan salamat nahin rahe diwar-o-dar makan salamat nahin rahe nafrat ki gard jama nigahon mein rah gai ulfat ke qadr-dan salamat nahin rahe raushan hain aarzu ke bahut zaKHm aaj bhi zaKHmon ke kuchh nishan salamat nahin rahe aisa nahin ki sirf yaqin dar-ba-dar hua dil ke kai guman salamat nahin rahe mahfuz…

November 7, 2019

nuqrai ujale par surmai andhera hai yani meri qismat ko gardishon ne ghera hai waqt ne judai ke zaKHm bhar diye lekin zaKHm ki kahani bhi waqt ka hi phera hai TuTte bikharte in hauslon ko samjhao uljhanon ki shaKHon par lazzaton ka Dera hai aane wala sannaTa mastiyan uDa dega nagino! sambhal jao samne…